- Александер Духнович

ВАСИЛІЮ ПОПОВИЧУ ЕГДА В ЕПІСКОПА ОСВЯЩАЕСЯ – А. Духнович

ЄГО ВЬІСОКОПРЕВОСХОДИТЕЛЬСТВУ ВАСИЛІЮ ПОПОВИЧУ,
ЄГДА В ЕПІСКОПА МУНКАЧСКАГО ОСВЯЩАЄСЯ

Гнѣздо страстей мягонькоє,

        Побудися, тепленькоє

Сердце! чувствы побудися,

        Веселієм наполнися.

                Олтарь готов: празднуєт,

                Тебе в Жертву желаєт,

                                                   Принесися!

Но кому єст Жертвенник он,

        Кому благоухаєт вонь? —

Добродѣтель движимая,

        Цѣломудрость блистящая

                Выставляєт самому

                Поповичу благому,

                                                   Увѣрися.

Не болѣй таже смутная

        Епархіа Мункачская!

Что бо Повчи оставил тя,

        И Чургович отдаєт тя.

                Горки слезы осуши,

                Страстей громы подножи,

                                                   Не сужися!

Се юнош твой бѣл, и чермен,

        Грядет не по мнозѣх времен,

Глава Єго яко злато

        Совершенно, и избранно,

                Устнѣ Его как кріны,

                Каплющіи вонь смирны. —

Руцѣ Єго обточени

        Златы’, Фарсса наполнени,

Глыста; столпы мармаровы,

        Очи яко голубовы,

                Вид Єго яко Ліван,

                И сладость Єго гортань.

                                                   Веселися.

О Невѣсто сей єст брат твой

        Пляши, се красный ближній твой, —

Єгоже ты колысала,

        Во пеленки повивала,

                Ты питала сосцею,

                Ты вѣнчаєш Славою.

                                                   Удивися!

Вся пепел, тлѣнь, вся суть смертна,

        Аки дым парящ суєтна,

Лиш пресвѣтла добродѣтель,

        Сеславная благодѣтель,

                Непрестанно Зарями

                Воссѣяєт Лучами

                                                   Не вмѣнится. —

Сею от ногтей питанный,

        Премудростію вѣнчанный,

Выспрь можества потѣяйся

        Духом, сердцем ревнуя; вся

                Ползы себѣ особныя,

                Сокровища надобныя,

                                                   Потупил вся.

Трудов тяжесть не цѣнивый,

        Но сам себе изволивый,

Аки жертву сообщества

        Ради сладкаго блаженства,

                 Сей Попович истинный

                 Цѣломудрый, смиренный

                                                   Показыйся.

Добродѣтель! — єдиноє

        Сокровище изрядное,

Ты покоиш сердца страсти,

        Ты увеселиш совѣсти, —

                Тобой стенящ, рыдающ,

                Тобой убогій плачущ

                                                   Защититься.

Добродѣтель, и премудрость,

        Важность, тихость, и смиреность,

Хитри Послы к пресвѣтлому

        Престолу быша царьскому,

                Царя блага уистиша,

                Поповича украсиша,

                                                   Ни тщущ’гося.

Кесарь благ сотруды Єго,

        Мужа, себѣ все вѣрнаго

Скоро мздою преславною

        Украсы Патирицею;

                Так Престолу славному

                Предревну Мункачскому

                                                   Предложил ся. —

 Дщери пола Славенскаго

         Рода Карпато-Роскаго,

Сердцем, разумом, душею,

        Пойте полни любовію,

                Возиграйте играма

                Восплещите рукама,

                                                   Весельтеся;

Вѣнець Славы принесите

        Скоро, скоро украсите

Цвѣтми, крінми, и пестрыми

        Вывійте єго розами,

                Духом Любве осѣните,

                Так на главу возложите

                                                   Движущуся.

Вси щастніи приближтеся,

        Пляшущу мнѣ срадуйтеся!

Пойме Небу праведному,

        Благодарим Севышнему,

                Иже єст возвеличил

                Добродѣтель; прославил

                                                   Тающ’гося:

Пойме Славу праведному

        Господу Богу нашему,

Архієрею новому

        Поповичу любимому

                Сердца в Жертву принесим,

                Чувствы, духом, вознесим

                                                   Поюще вси.

Господи! ты всѣм владѣєш,

        Ты вѣк, и жизнь исправляєш,

Живи, держи преблагаго

        Отца Чадом избраннаго,

                Да сладкій вѣк превести,

                Добродѣтель вознести

                                                   Сподобиться.

Да пребудет многолѣтнѣ

        Владыка на сем престолѣ,

Гнусти, горести не знаяй,

        Все покойно почиваяй,

                Славою, и щастієм

                Совершенным Здравієм

                                                   Наслаждыйся!

И так духом наслажденный,

        Добрым нравом насыщенный,

Цѣну жизни оставив вспять,

        Потомству вѣчную память,

                Во пресладком тихом снѣ

                На Іяковлей лѣствѣцѣ

                                                   Преселиться! —

Но — ах — что мыслящ странствую,

        О преселеній чувствую?

Нѣт — богма — се не станется,

        Пока мой дух двизаєтся!

                Ещ’ имію секиру,

                Лѣствицу в прах поперю

                И в сем пути удержу

                Владыку, сам содержу

                                                   Да живиться.

Об авторе admin

International Carpathian Institute of State and Law of the Central European
Читать все записи автора admin