Мы убоги и мало насъ,
Велика въ насъ старость:
Наши дѣти босо ходятъ
Про вашу немудрость.
Говорятъ вамъ наши люде:
„Языкъ свой любите,
И народни права ваши
Никому не дайте.” —
Добрѣ имъ тамъ говорити,
При сытости полной,
И писати статеечки
О жизни народной.
Мы же бѣдни сговоримся,
Народность продайме;
Панство наше высокое
И насъ въ ласку прійме.
Отцы наши также смутно
И въ тѣснотѣ жили:
Перемѣновъ старой вѣры
Колачъ пріобрѣли.
Намъ же своимъ наслѣдникамъ
Народность лишили;
За ту добру тямку свою
Бодай спочивали!