Александер Духнович

- Александер Духнович

О ПОГРѢШЕНІЯХ, И КАЗНЕХ ДѢТЕЙ – А. Духнович

О ПОГРѢШЕНІЯХ, И КАЗНЕХ ДѢТЕЙ

 

Мамко, мамко што там было,

Што ся в Школѣ поводило,

                    Страх сіє повідати,

                    И не вдячно казати.

Пришол в школу Пан Діректор,

И оскаржил му Профессор,

                    Же ту таки дѣти сут,

                    Штося неучат, и бют.

Даяки сут што и лали,

Други каменьом метали,

                    Єдни ся не молили,

                    И тихо не сѣдѣли.

А други в церкви кричали

Лем по людех расматряли,

                    Богуся не молили

                    И побожно не пѣли.

А єден мамко пяный быв,

На гостинѣ паленьку пив,

                    Такся смѣяв, надерав,

                    Никому покой недав.

А двоми ся повадили,

Брытко, скарѣдно гварили,

                    Чортом, дѣтком карали,

                    Шматы си поторгали.

А єден, ани не скажу,

Бо то казатися стыжу

                    Скарѣдно бесѣдовал,

                    Так як пес брытко брехал.

Пан Діректор выкликал их,

На стред школы поставил их,

                    А так красно говорил,

                    Аж ся каждый разжалил:

«Дѣти мои! вас до школы

Прото дают Родители,

                    Бы єстеся учили,

                    И так щастливи были.

Бысте знали ся молити

Чесно, красно, говорити,

                    Бысте знали читати,

                    Раховати, писати.

И чесно ся справовали

Всягды красненько держали,

                    Абы вас так Бог любил,

                    Пожегнал, благословил.

Бо Бог лем такого любит,

Котрый єму вѣрно служит,

                    Хто ся молит, и учит,

                    Повинность свою кончит.

Але хто ся зле тримаєт,

Того Бог всегда караєт,

                    Як в дочасном свѣтѣ том,

                    Так по смерти на другом.

Так дѣточки мой мили,

Што же вы зле начинили,

                    Ци то так треба жити,

                    И дѣтинѣ чинити?

О вы кару заслужили,

Бо вы Бога образили,

                    От нравов заблудили,

                    И не добрѣ чинили. —

Ты сыне мой неучился,

Неписал, и немолился,

                    А ты тихо не сѣдѣл,

                    А ты в школѣ сваволил.

Прото треба вам узнати,

Небудете обѣдати,

                    Небудете ѣсти нич,

                    Чиньте спѣшно вашу рѣч.

Заперти в школѣ будете,

Покля ся не покаєте,

                    Бо хто вдячно не робит,

                    Няй не піє, и не ѣсть;

Человѣк має дѣлати,

И кровавно работати,

                    А лѣнивый не робит,

                    Няй не піє, и не ѣсть.

А вы чом в церкви кричали,

Сваволили расматряли,

                    Ту будете клячати,

                    Прото покутовати.

А ты сыне паленку пив,

О ты дуже мното грѣшив,

                    Бо узнай же пяниця,

                    Єсть болшій як убійця.

Бо хто паленчиско піє

Той свою душу убіє,

                    А хто ю радо піє,

                    О той долго не жіє.

Хто навыкне в молодости

Понесе звык до старости,

                    Научся в молодости,

                    Як бесь найшол в старости.

Пянство то єсть великій грѣх,

Соблазнъ у людех, и посмѣх,

                    Пяный в души не жіє,

                    И скотови равный є.

Пяный разум утрачаєт,

И о Бозѣ забываєт,

                    Пяный добрѣ нечинит,

                    Лем як свѣня так лежит;

О ты дуже перевинил,

Бо ты уже и пяный был,

                    Теперь достанеш виргас,

                    Бы ты не пил болше раз.

Пій водичку из потока

Нѣт в ней грѣха, и порока,

                    Бог воду прото створил,

                    Бы ты жажду умолил.

Люде в товаристві жити

Мают, и себе любити,

                    Нигда ся не вадити

                    Проклинати, ни бити;

Прото прійдите вы дѣти,

Што любитеся вадити,

                    Препростеся ту дораз,

                    Певадьтеся болше раз.

А ты Сыне Богом карал

Имя Боже на дармо брал,

                    Ты достанеш палицу,

                    Прострися на лавиду.

Но ты так гварил скарѣдно,

Брехал як пес так бестыдно

                    Теперь збереш дванахцят.

                    Другій раз пять и дватцят.

Знай, же бестыдный человѣк

Небуде жити долгій вѣк,

                    Бестыдный, и безбожный,

                    Єсть юсе хворый, неможный.

Таже дѣти мой знайте

Добрѣ собѣ памятайте,

                    Прошто єсте карани,

                    Прошто покутовани;

Бо то не я вас покарал,

И не я вам покуту дал,

                    Вы сами заслужили,

                    Кару собѣ судили.

Бо узнайте, злоє дѣло

Маєтся карати зѣло,

                    Покутою на свѣтѣ,

                    Вѣчным огнем во вѣки.

Бог всякое дѣло видит,

И всегда праведно судит,

                    Пред ним незатаиш нич,

                    Бо он видит кажду рѣч.

Бог вся знает, видит истѣ,

Такжеся на каждом мѣстѣ

                    Справуй, якбы там Бог был,

                    Якбысь Єго все видѣл.

Мамко, мамко так там было,

Такся в школѣ поводило,

                    Там лѣнивых, злых били

                    Але добрых хвалили.

О мене не будут бити,

Бо я будуся учити,

                    Я небуду лаяти,

                    Ни камѣньом метати,

Будуся в церкви молити,

И побожно, красно пѣти,

                    А паленку паскуду,

                    Нигда пити не буду.

Небудуся надерати,

Никого Богом карати,

                    Небудуся вадити,

                    И бестыдно гварити.

Лем я будуся учити,

Каждого щиро любити,

                    И каждому чести дам,

                    Отцу, бабцѣ, тай вам.

- Александер Духнович

О ПОДАРКАХ – А. Духнович

О ПОДАРКАХ

 

Дѣти! вы ся усилуйте,

До школы порядно ходьте,

                    Так учитель днесь казал,

                    И так далей истязал:

Хто все усиловно робит,

И до школы вдячно ходит,

                    Того любит Бог, и я,

                    Той єсть блага дѣтина.

Того буду я славити,

Любити, и все хвалити,

                    Тому буду я Отец,

                    А он буде мой хлопец.

Той будет во первой лавцѣ

Сѣдѣти на первом мѣстѣ,

                    Той буде зачинати

                    Спѣвати, и читати.

Того будут честовати,

Ємуся повиновати,

                    И слухати єго все,

                    Той заставу понесе.

Сей во рядѣ першій ити

Будет, и других водити

                    Так як Ріхтарь у селѣ

                    Буде в чести во школѣ.

Тому будут други дѣти

Лекцію все говорити,

                    Той буде надзерати

                    На всѣх позор давати.

Як то красно буде дѣти,
Кедь будете в рядѣ ити

                    На погрѣб, и до церкви,

                    И где потребно всягды.

О як вас будут славити

Як вас радостно хвалити,

                    Рекут: добрый на предѣ

                    А лѣнивый на задѣ.

Передняго величати,

Из задняго ся смѣяти,

                    Буде каждый, повѣсть: сесь

                    Остатній нич незнал днесь.

А я єще мои дѣти

Дам вам звѣзду учинити,

                    Єдну срѣбром обиту,

                    Другую же золоту.

А красненько привяжу ю

На пантличку червеную

                    Усиловному дам ю

                    Повишу му на шію.

В кого звѣзда, на передѣ

Буде ити первый в рядѣ,

                    Такся буде пышити,

                    Весело величити;

Як Архі Діакон прійде,

Проситися от вас буде,

                    Вы будете казати,

                    Смѣло отвѣтовати.

Котрый добрѣ буде знати,

И мудро вся повѣдати,

                    Того красно похвалит,

                    Лѣниваго заганьбит.

Добраго увидит дораз,

Даруєт му красный образ.

                    Образочок маленькій,

                    Позлаченый, красненькій.

Так то хто ся усилуєт,

Такого каждый милуєт,

                    А хто щиро не робит,

                    Того никто не любит.

- Александер Духнович

О СПРАВОВАНІИ ДѢТЕЙ ВЕЧЕРЪ – А. Духнович

О СПРАВОВАНІИ ДѢТЕЙ ВЕЧЕРЪ

 

Як я вечер уже выйду

Из школы, и дому прійду,

                    Поклонюся, и повѣм,

                    Дай вам Боже добро всѣм.

Посем дакус забавлюся,

Поскачу, повеселюся,

                    Але то лем маленько,

                    Статочно, и красненько.

Тай научуся Лекцію

Напишу оккупацію

                    И так буду свободень

                    Аж до вечера той день.

Прійде вечер, прійде Мати,

Дасть ми дашто вечеряти,

                    Лем мало ѣсти буду,

                    И тихо спати пойду.

Но на перед позбераю

Своя рѣчи, вывтераю

                    Под стол главу приклоню

                    И такся там помолю:

Докончил я дѣло моє,

Да славится имя твоє,

                    О ты Отче! сей нощи

                    Отдаль от мя немощи.

Бо я уже йду спати,

Йду с Богом спочивати,

                    Отче под ласку твою

                    Вручаю душу мою.

Дай мнѣ Боже добрѣ спати,

Ис Аггелом почивати,

                    Дай Боже рано стати,

                    Весело працовати.

Дай Боже и Родителем

Моим добрым учителем,

                    Дай им Боже добру ‘нощ,

                    И Аггела на помощ.

Сон покойный подай всѣм нам,

И мойим кресным нанашкам

                    Дай нам Боже добру нощ,

                    Хранителя на помощь.

- Александер Духнович

О СПРАВОВАНІИ ДѢТЕЙ В ЦЕРКВИ – А. Духнович

О СПРАВОВАНІИ ДѢТЕЙ В ЦЕРКВИ

 

Бог неба, земли створитель

Всемогущій, вседержитель,

                    Без конда невмѣстимый

                    В каждом мѣстѣ притомный.

 

Он во своєй великости

Во можествѣ, и благости

                    Єсть на небѣ, на свѣтѣ

                    Всягды на каждом мѣстѣ.

 

Но єднако в своих церквах

И на освященных мѣстах

                    Дом для себе изобрал,

                    Абы во нем пребывал.

 

Таже в церкви Бог бывает,

Там во Святых почиваєт,

                    Там молитвы слухаєт,

                    И прозбы пріимаєт.

 

Там Бог живый во святости

Єсть притомный все на истѣ,

                    Там єсть Єго Кров, Тѣло,

                    А то так справедливо.

 

Там людіє часто ходят,

Там Богу ся щиро молят,

                    Там побожно спѣвают,

                    Богу себе вручают.

 

Знай таже и ты дѣтино

Же там єсть твой Бог истинно,

                    О там спѣшно прибѣгай,

                    Молься щиро, и спѣвай.

 

Прійди в церков тай поклонься,

Излож руки, тай помолься

                    Дух ко Богу воздвигни,

                    От серденька воздыхни.

 

И реци: «О Боже святый,

Створителю мой преблагій,

                    Я вошол днесь во дом твой,

                    Помилуй мя Отче мой!

 

О посли ми ласку твою

Абы єм мог пред тобою

                    Достойно, вѣрно стати,

                    И тебѣ ся кланяти.

 

Дай ми Боже мысль покойну,

Дай ми волю постоянну,

                    Разум ласков просвѣти,

                    От суєтных отврати.

 

Дай абым тебе достойно

Мог хвалити богобойно,

                    Выслухай мя Боже мой,

                    Даруй ми святьтй покой!»

 

А коль єсь так помолился,

Богу ниско поклонился,

                    Так стуй тамо побожно,

                    Як в домѣ Божом должно.

 

На Священника все внимай

Ис Дяками красно спѣвай,

                    А як будут бренькати

                    Клякнути потребно ти.

 

Бо тогда Бог освящаєт

Хлѣб на тѣло премѣняєт,

                    А вино на свою кров

                    Ис всемогущов ласков.

 

От того часа уж должно,

Стояти дуже побожно,

                    Як пред Богом пред самым,

                    Во Олтари притомным.

 

Кланятися, и молити,

Єго милость все просити,

                    Єму себе вручати,

                    Под охрану отдати.

 

А як будеся казати

Слово Боже повѣдати,

                    Там потребно внимати,

                    Добрѣ позоровати.

 

То добрѣ ся научити

И твердо си зазначити,

                    Что Священник повѣдал,

                    Что учил, и что казал.

 

Бо то человѣк набожный,

Имієт быти острожный

                    Має знати вшытко то,

                    Что кажется во свято.

 

Но як службѣ конец будет

И священик уж отидет,

                    Дораз дому не втѣкай,

                    Постуй мало, подумай.

 

Воздыхни, Богу хвалу дай

В мысли, сердцем так повѣдай,

                    Боже! тебѣ дякую,

                    Прійми молитву мою.

 

Боже! молю ласку твою,

Просвѣти днесь душу мою

                    Помози мнѣ хотѣти

                    Тебѣ вѣрно служити.

- Александер Духнович

О СПРАВОВАНІИ ДѢТЕЙ, КОГДА ИДУТ ДО ШКОЛЫ – А. Духнович

О СПРАВОВАНІИ ДѢТЕЙ, КОГДА ИДУТ ДО ШКОЛЫ

 

Уж Школяри в купѣ идут,

Єдни бѣжат, други падут,

                    А я пойду по воли

                    Красно, чесно до школы.

Бо учитель так нам гварил,

И под покутою раил,

                    Абы ити по воли

                    Школярови до школы,

Абы яко на улицѣ,

Так и в школѣ на лавицѣ,

                    Там покойно ходити,

                    А ту тихо сѣдѣти.

Бо хто на улицѣ бѣжит

Легко руку, ногу зломит,

                    А хто в школѣ не сѣдит,

                    Той под дверями клячит.

Я по воли буду ити,

И все так красно ходити,

                    До болота непойду

                    Млаку, воду обыйду.

А кедь на улицѣ стрѣчу

Когоколвек, так закличу,

                    Слава Іисусу Хрісту

                    На каждом мѣстѣ, и ту.

Старшому все оступлюся,

Шапку сдойму поклонюся,

                    То учитель так гварил,

                    И каждому так раил.

Небудуся с никим бити,

Надерати, и вадити

                    Лем я пойду поволи

                    Ис книжочков до Школы.

Бо я не звыкся дрыляти

Вадити, бити, ламати

                    Ни камѣньом метати

                    Головы проваляти.

А хто мене исперати

Смѣе, албо задерати,

                    Я тому нич нескажу

                    Але єго оскаржу.

Будуся усиловати

Каждому чести давати

                    Так я буду щастливый,

                    И пріятелем милый.

Так буде мя Бог любити

Родители голубити,

                    Так верхность моя, и вси

                    Люде в мѣстѣ, и весѣ.

- Александер Духнович

О СПРАВОВАНІИ ДѢТЕЙ ОКРЕМ ШКОЛЫ – А. Духнович

О СПРАВОВАНІИ ДѢТЕЙ ОКРЕМ ШКОЛЫ

 

Уж я и то добрѣ знаю,

Што дома чинити маю,

                    То учитель говорил,

                    И яся так научил:

Рано стану прекрещуся

Родителем поклонюся,

                    Дай Боже вам день добрый,

                    Щастливый, и покойный.

Затым дораз умыюся

И гладонько зачешуся,

                    Шматы си позбераю,

                    И чисто вывтеряю.

И так красно облечуся

Приклякну тай помолюся,

                    Из серденька воздыхну

                    Дух ко Богу воздвигну.

И реку: «О Боже святый,

Створителю мой преблагій,

                    Котрый створил свѣт той весь,

                    И воздвигнул мене днесь:

Буди тебѣ Отче слава,

Честь и поклон, сила, хвала,

                    Жесь мя в нощи сохранил,

                    От сна на день возбудил.

Прото тебѣ благодарю

Честь, хвалу ис сердца даю,

                    Дякую ти Боже мой,

                    Бѣдный слуга, и раб твой.

Боже под охрану твою

Вручаю днесь душу мою,

                    Вручаю дух, сердце, мысль,

                    Во твою Боже промысль!

О Боже мой дай щастливо

Ступити до дня бѣлого,

                    Бем мог без грѣха жити;

                    Тебѣ вѣрно служити.

Душе святый ум просвѣти,

Бемся годен научити

                    Вшитко во славу твою,

                    Во честь, и ползу мою.

Помилуй и Родителей

Моих добрых учителей,

                    Сестру, брата, и весь род,

                    И Хрістіанскій народ!»

А як єм так помолился

Господу цѣлком вручи лея,

                    Поцѣлую у руку

                    Отца, мамку, и бабку.

И дораз ѣсти не буду,

Лем собѣ до кута сяду,

                    Там книжечку отворю,

                    Научуся лекцію. —

Бо Профессор так нам гварил,

И каждому добрѣ раил,

                    Абы дораз не ѣсти,

                    Лемся перше учити.

Бо кед ся уж брюх насытит,

Нерадо ся тогды учит,

                    Брюх сытый лем лежати,

                    Хоще, и дораз спати.

Но як уж до школы ити,

Зачнуть бренькати, звонити.

                    Так ми дасть ѣсти мамка,

                    Хлѣба с маслом, молока.

Позбераю свою книшку,

Пера, тинту, и табличку,

                    Мамко здрави будте вы,

                    Уж я йду до школы.

- Александер Духнович

О СПРАВОВАНІИ ДѢТЕЙ В ШКОЛѢ – А. Духнович

О СПРАВОВАНІИ ДѢТЕЙ В ШКОЛѢ

 

Дѣти, дѣти дайте позор,

Так говорил днесь Профессор,

                    Знайте якся тримати,

                    И в школѣ справовати:

 

Школярь маєт чистый быти,

И рядно до школы прійти,

                    Умытися красненько,

                    Зачесати гладенько,

 

Власы маєт остригати,

И пахнехти обрѣзати,

                    Має мати свой гребѣнь,

                    И нежичок, и ремѣнь,

 

Ис гребеньком ся чесати,

С ножиком перо стругати,

                    А с ремѣньком книжочку

                    Затиснути табличку.

 

Должен мати книшку свою,

Папірь, перо ис тинтою,

                    Должен мати Ленію

                    И Церуссу сам свою.

 

Бо то школярь не воловарь,

И не пастух, ни не друтарь,

                    Бо то школярь во школѣ,

                    Так як вояк на войнѣ.

 

Должен быти озброєнный,

И силно приспособленный,

                    Должен мати кажду рѣч,

                    Абы не пожичал нич.

 

Рано стане помолится,

И до школы готовится,

                    Научится лекцію,

                    И выгварит тихо ю.

 

Так извяже свою книшку,

Просит хлѣба назакуску,

                    Коли звонят першій раз,

                    Уж маєт ити дораз.

 

Но когда до школы прійде,

До лавочки собѣ сяде,

                    А намѣсто на оно,

                    Что му опредѣленно.

 

Там своя рѣчи разложит,

Кажду на мѣсто положит,

                    Папірь, книшку, и тинту,

                    И ко тинтѣ пороху.

 

И так выгварит лекцію,

Покажет оккупацію,

                    Хто лекцію незнає,

                    Той няй ся нерадує.

 

Той на истѣ уж клячати

Буде, и може зобрати,

                    А то исто заслужил,

                    Чомся дома неучил. —

 

Не маєш ты нич на свѣтѣ,

Лем усилуйся учити,

                    Єсть час вечер, и рано,

                    Учся добра дѣтино.

 

Небѣгай все по улицѣ,

Не плянтайся по потоцѣ,

                    Не сваволь дома, не гуч,

                    Сядь до кута, тамся уч.

 

Забавки на страну одлож,

Перше собѣ книшку розлож,

                    А як будеш все знати,

                    Можеш и побѣгати.

 

Бо хто скончил свое дѣло,

Можеся бавити смѣло,

                    А хто своє премине

                    Того кара немине.

 

Як во Церкви, так во школѣ*)
Справуйся по Божой волѣ,

                    Где кажется, там слухай,

                    А никого нерушай.

 

На страну ся не оглядай,

Где дѣется, там позор дай,

                    Товариша недрыляй

                    И каждому покой дай.

 

Кедь тя учитель закличе,

Албо ко собѣ прикличе,

                    Стань честно, и утрися,

                    Стань там, где ти велится.

 

Кедь ся просит, гварь голосно,

Укленься, и стой там просто,

                    Главу все непрекривляй,

                    И руками не метай.

 

У лавицѣ сѣди красно

А отвѣтуй смѣло, гласно.

                    Учителя все слухай,

                    Єму честь, и поклон дай.

 

Бо учитель єсть твой Отец,

И ты буди єго хлопец,

                    Так ’го як Отца слухай

                    Єму всягды чести дай.

 

Отец тобѣ хлѣба дає,

А учитель тя варує,

                    Абысь мудрый, и смѣлый

                    И на вѣки щастливый.

 

Знай дѣтино Родителей

Честовати учителей

                    И старшого все слухай

                    Каждому чести подай.

 

 Хто верхности противится,

Родителем поставится,

                    Хто старшому ся глумит,

                    Того и Бог не любит.

 

Того буде Бог карати,

Небуде нигда нич мати,

                    Той все буде немогій,

                    Нещастный, и убогій.

- Александер Духнович

О ДѢЛѢХ ШКОЛСКИХ – А. Духнович

О ДѢЛѢХ ШКОЛСКИХ

 

Мамко, мамко, я был в школѣ,

Уж я знаю той долѣ,

                    Як там вшитко красно є,

                    Аж сердцеся радує.

 

Уж мене там записали,

Уж ми власы остригали,

                    Уж мѣсто ми назначили,

                    И до лавки посадили.

 

Уж я там сѣдѣл покойно,

И позоровал достойно,

                    Что Пан Профессор чинил,

                    Як говорил, як учил:

 

Пан Профессор на сторонѣ

Сѣдѣл при маленьком столѣ,

                    Пред ним книга открыта,

                    Папірь, перо, и тинта.

 

У Лавицях дѣти сѣдят,

И таюся радостно учат,

                    А на концѣ сѣдѣли

                    Самѣ дѣвчатка бѣли.

 

Но при дверех в єдном кутѣ,

Там клячали таки дѣти,

                    Што не добрѣ чинили,

                    Ани ся не учили. —

 

Як учитель посмотрил нас,

А мы стали вшитки нараз,

                    Помольтеся казал нам,

                    Призовите Бога к вам.

 

Мы зачалися молити,

Бога во Троицѣ славити,

                    Тоту молитву знаю,

                    Послухай лем мамко ю:

 

«Во имя Отца, и Сына,

И святаго Духа Бога,

                    Троицы Божественныя

                    Во єстествѣ єдныя.

 

Прійди о небесный Царю

Душе, дай нам твою зарю,

                    Бо ты сам Бог истинный,

                    На всем мѣстѣ притемный.

 

Приди, и пребуди во нас,

Просвѣти мысль, и разум наш,

                    Сердце лаской наполни,

                    И ко науцѣ склони.

 

Дай нам Боже доброй воли

Бысмеся учити могли

                    Дай нам легко похопити,

                    И скорося научити.

 

Буди слава Отцу Богу,

Сынови, Духу святому,

                    Буди с нами, о Боже,

                    Аж во вѣки вѣков все».

- Александер Духнович

О РАДОСТЕХ ШКОЛСКИХ – А. Духнович

О РАДОСТЕХ ШКОЛСКИХ

 

Мамко, мамко куп ми книшку,

Тинту, папірь, и табличку,

                    Бо я пойду до школы,

                    Учитися по воли.

Бо я быся рад учити,

Якбы Богу послужити,

                    Якбы людей учтити,

                    И як спасенным быти.

Повѣдают же во школѣ

Дѣти знают доброй долѣ,

                    И я бы хотѣл знати,

                    Якся ми справовати.

Дѣти в школѣ ся молити

Учат красно говорити,

                    Знают тонко спѣвати,

                    Каждому честь давати.

Там учатся, як на свѣтѣ

Треба мудро, честно жити,

                    Як требася сповѣдати,

                    И як всягды справовати;

Я бы вшитко хотѣл знати,

И честно ся справовати,

                    Куп ми мамко книженьку,

                    Хоть лем таку маленьку!

- Александер Духнович

ПѢСНЬ О ПРИДВОРНОЙ ЖИЗНИ – А. Духнович

ПѢСНЬ О ПРИДВОРНОЙ ЖИЗНИ

 

В нѣжных дворѣх я долго жил

                    Горкую сладость вкусил,

Властям все подданый служил,

                    Злоє добро искусил.

 

Много раз высоко сѣдѣл,

                    Много раз был потуплен,

Много мудрых-дурных видѣл,

                    И сам был часто вплѣнен.

 

Не желал я что на свѣтѣ,

                    Токмо достати власти,

Трудился во всем животѣ,

                    Ради славы, и чести.

 

О коль много нощей неспал,

                    Непрестанно трудился,

В искушенія часто впал,

                    Но иным не журился:

 

Токмо милость владѣтеля

                    Получити, и любов,

Токмо пышна властителя

                    Прелестити с нову в нов.

 

Я веселым показался,

                    Хотя дуже смутный был,

Я покорно снизовался,

                    Хоть добрый дух мя будил.

 

Воля владѣтеля мого

                    Была воля и моя,

Я острожно внимал того,

                    Нечувствовал покоя.

 

Коль владѣтель мой смутился,

                    Тогда я ся зажурил,

Коль он плясал веселился,

                    Я с ним все ся веселил

 

Коль владѣтель болѣзновал,

                    Я єму страстно сжалѣл,

И хотя боль нечувствовал,

                    Тучею горко слезил.

 

Когда он брашно расказал,

                    Я тогда голоден был,

Словом: что он мнѣ показал,

                    Я сіє все повторил.

 

Єстли он мрак малый видѣл,

                    Я громку бурю сказал,

Єгда он тучу увидѣл,

                    Я єму громы признал.

 

Словом: Я всегда єму жил,

                    Єму спал, ставал, и ѣл,

Єму духом, тѣлом служил,

                    Но я єго нелюбил!

 

Бо то єсть став придворнаго

                    Чтобы он и свой небыл,

Чтобы єго покорнаго

                    Властитель видѣл, любил.

 

Так як мотель легкомыслый

                    По вѣточках лѣтаєт,

Но он для себе промыслый

                    Лем сладкій сок зрываєт.

 

Так прелестна пчела в поли

                    Цвѣточкам ся кланяєт,

Но всегда по своей воли

                    Мед от сих высысаєт.

 

Выссавше же сок от него,

                    Цвѣточка оставляєт,

Єгда же усхнет, на сего

                    Болше и невнимаєт;

 

Так я владыку почитал,

                    Не чтоб єму послужил,

Но о сем лестно мудровал,

                    Чтоб себѣ полезный был!

 

О придворный властям предан,

                    Оным всегда служити

Єсть повинен горким сластям,

                    И мамонѣ жертвити.

Своєй он не чуєт воли,

                    Завѣсть, и страх со всѣх стран,

Он отрекся своєй долѣ,

                    Лестникам єсть весь предан.

Он в тых мѣстах пребываєт,

                    Гдебы и сам нехотѣл,

Кратку потѣху познаєт,

                    Но стораз ю претерпѣл.

Что в сердцѣ, души чувствуєт,

                    То не смѣєт сказати,

Слѣпый, нѣмый, и нечуєт,

                    Сам ся не может знати,

Любимцам послѣдовати

                    Должен, хоть их нелюбит,

Себе низко поддавати,

                    Знаєт; сам себе губит,

Всегда господню супругу,

                    Хотя брытка як чорт єсть,

Лобзати, и на выслугу

                    Єй стояти должен єсть,

Многоразы любимому

                    Малчику ся кланяти,

Дары приносити тому,

                    Повиненся вручати;

Бо то малчик милый слуга

                    Много может шептати

Когда лестно господина

                    Веде на покой спати.

Часто псика господняго

                    Повинен єсть гласкати,

Акибы представленнаго

                    Должен лестно ласкати.

Неправедность похвалити,

                    И врага полобзати,

Господен двор все хвалити,

                    Пріятеля немати.

 

О вѣрности говорити

          Хотя ю непознаєт,

Чудная дѣла творити

                    Должен, хоть нич незнаєт.

 

И про сію тяшку службу

                    Яка єму заплата?

Про всю старость, про всю тужбу

                    Єсть НАДЕЖДА богата.