ВАСИЛІЮ ПОПОВИЧУ,
НА ДЕНЬ 1-го Януар 1837

 

Горѣ, о горѣ, злата Зоренько,

        Гнусныя хмары расхити,

Сіяй лучами свѣтлы скоренько,

        Радостный день сей просвѣти,

                                Весело торжествуй!

 

Непоказуй мнѣ грядущ год новый,

        Василію лиш соиграй,

Год бо мнѣ єсть весь всегда унылый,

        Ты Поповичу угождай

                                Имя Єго цѣлуй.

 

Имя достойно славноє всюду,

        Имя Палладѣ любимо;

Как славенскому почтенно роду,

        Так Єпархіи славимо

                                Пресвѣтло празднуй.

 

Сіє и Мусы славно вѣнчаны,

        Имже клонится мір нѣжный,

Превозношают, яже питаны

        Духом его сут; всеважный

                                Ум почитающ; —

 

О где єст живый источник оный,

        От негоже аз почерплю

Духа, и силы; да праздник славный

        Годно поюще прославлю,

                                Єго торжествующ.

 

Но что сужуся: Пинда отдален,

        Выспрій мнѣ далек Єликон,

Ниж Икарины крылы обдарен,

        Ибо вертепы бѣжить он,

                                Скалы убѣгая.

 

О мнѣ Источник досаждет присно,

        В души, во умѣ, и персех,

С сего почерпну радостей истно,

        Воспою в трубах, и гуслех,

                                И вдарю в Пеану.

 

Так Поповича прославлю в день той,

        Пресладко имя вознесу,

Радости полный вознесу дух мой

        Сердце во жертву принесу

                                Богу всевышнему.

 

О строителю участей благій,

        Призри на духа моєго,

Услыш глас поющ, помилуй щедрій

        О Поповича твоєго

                                Многими лѣты.