- Александер Павлович

ПѢСНЬ – А. Павлович

ПѢСНЬ

Ци то неба воля или такій воздух?
Русин востал от сна, воскрес народный дух.
Снесе руганіє — врагов гоненіє,
Должен жити єго добрый народный дух.

Небесная воля уж не могла снести,
Хотѣла Русина с неволи вывести.
Народы презрѣли Русина квилили —
Ахъ сирота не мат мѣста, ани чести.

Коли на Русина солнце засвѣтило,
Между народами громко загрѣмѣло:
Русь мертва прочь встала? клопот нам дилає!
Мовчте, добры люде, уж инакше буде!

Вы равноправность нам настали выдали,
Из той в сердцах ваших вы нас вымазали.
Даремны прелести, Русь не дастся звести,
Русины познали, что вы их прельщали.

Таблицы на грудях вы себѣ вѣшали,
А всѣм однакову любовь обѣщали;
Хоць право однаке, но сердце двояке,
Мы уж попахали, як вы насъ кламали.

Русь на вас не хоче клятву положити,
Что про вас мусѣла народность таити;
Русь, что была тайна, уже міру явила,
Не дасть ся прелстити — да Русь должна жити!

Об авторе admin

International Carpathian Institute of State and Law of the Central European
Читать все записи автора admin