ПѢСНЬ ПРОСТОНАРОДНА

 

Прійди ты до нас,

Хоть на малый час,

Хочешь вечерь, хочешь рано,

Хочь худобно, хочь убрано

                    Буде нам гаразд.

                    ……………………….

Не пойду до вас

Ни на марный час,

Ани вечерь, ани рано,

Ни убрано, ни подрано

                    Не пойду ни раз.

                    ……………………….

Прійди ты до нас,

Погостимся в раз,

Даме ти масной сметанки,

Навариме ти стеранки

                    Буде добре барз.

                    ……………………….

Не пойду до вас

Бо йду на лаз,

Не хочу вашу сметанку,

Не хочу вашу стеранку

                    Я йду на лаз.

                    ……………………….

Не иди на лаз,

Ай прійди до нас,

Навариме ти пероги

С сыром, маслом о три роги,

                    Прійди же сей час.

                    ……………………….

Не пойду до вас,

Не маю днесь час,

Не хочу ваши пероги,

Хоть бы были о сто роги

                    Бо то все ваш квас.

                    ……………………….

Прійди ты до нас,

Не стыдися нас,

Ради будут тобѣ наши,

Наварят ти с медом каши,

                    Буде ти гаразд.

                    ……………………….

Не пойду я к вам,

Я буду тут сам,

Не хочу гостины ваши,

Ани меду, ани каши,

                    Я остану сам.

                    ……………………….

Ай прійди до нас,

Не презирай нас,

Даме ти доброй згорѣлки,

Вина, пива и медовки

                    Заграєм си враз.

                    ……………………….

Не пойду до вас,

Не теряйте час,

Не хочу вашу згорѣлку,

Пиво, вино и медбвку,

                    Не хочу ни раз.

                    ……………………….

Ай зайди до нас,

На маленькій час,

Даме ти грушки, орѣхи,

Яблок, сливок и два мѣхи

                    Понесешь от нас.

                    ……………………….

Не йду я там

Лишь остану сам,

Бо у мене зубы лихи,

Я не кусаю орѣхи

                    Не йду там к вам.

                    ……………………….

Прійди ты до нас,

Ой послухай нас,

Даме ти красну Оленку

Чорнобриву и бѣленьку

                    Ой прійди до нас.

                    ……………………….

Так лечу до вас

И на вѣчный час,

Про мою милу Оленку

Чорнобрыву и бѣленьку

                    Прійду и сто раз.